ប្រព័ន្ធម៉ាស៊ីនត្រជាក់ (Air Conditioning System) មានសារៈសំខាន់យ៉ាងខ្លាំងចំពោះ “ផាសុកភាព” និង “ប្រសិទ្ធភាពការងាររបស់មនុស្ស” ព្រោះវាជួយគ្រប់គ្រងសីតុណ្ហភាព សំណើម លំហូរខ្យល់ និងភាពស្អាតនៃបរិយាកាសខាងក្នុងអគារ ដែលមនុស្សរស់នៅ និងធ្វើការ។ ប្រព័ន្ធម៉ាស៊ីនត្រជាក់មានច្រើនប្រភេទ និងខុសគ្នាទាំងទំហំ និងសមត្ថភាព ចាប់ពីប្រព័ន្ធធម្មតាសម្រាប់អគារការិយាល័យ រហូតដល់ប្រព័ន្ធដែលមានភាពជាក់លាក់ខ្ពស់សម្រាប់រោងចក្រផលិត Semiconductor។

ក្រុមហ៊ុន តាព្រហ្ម​ អ៊ី & ស៊ី មានជំនាញវិជ្ជាជីវៈ និងបទពិសោធន៍យ៉ាងទូលំទូលាយក្នុងការរៀបចំផែនការ ការរចនា និងការដំឡើងប្រព័ន្ធម៉ាស៊ីនត្រជាក់។ ជាក់ស្តែង មជ្ឈមណ្ឌលទិន្នន័យ (Data Center) ធំៗ ដែលគាំទ្រដល់សង្គមអ៊ីនធឺណិតសម័យបច្ចុប្បន្ន បានអនុវត្តបច្ចេកវិទ្យាជាច្រើន ដូចជាការប្រើខ្យល់ត្រជាក់ពីខាងក្រៅ ដើម្បីកាត់បន្ថយបន្ទុកប្រព័ន្ធត្រជាក់ និងការបញ្ជូនខ្យល់ត្រជាក់ទៅកាន់ឧបករណ៍ IT បានយ៉ាងមានប្រសិទ្ធភាព។

លើសពីនេះ យើងមានជម្រើសនៃការរចនា និងការរៀបចំប្រព័ន្ធជាច្រើន ដែលអាចបំពេញតាមតម្រូវការរបស់អតិថិជនបានយ៉ាងមានប្រសិទ្ធភាព និងសន្សំសំចៃ ដូចខាងក្រោម៖

1. ប្រព័ន្ធទឹកត្រជាក់ (Chilled Water-Cooled System)
2. ប្រព័ន្ធ Condenser និង Cooling Tower
3. ប្រព័ន្ធម៉ាស៊ីនត្រជាក់ VRF និងប្រព័ន្ធ Duct Type
4. ប្រព័ន្ធម៉ាស៊ីនត្រជាក់ Split Type
5. ប្រព័ន្ធគ្រប់គ្រង Chiller Plant Management System